Հայրենասիրության դաս ՀՊՄՀ հենակետային վարժարանում

04.04.2022

Հայրենիքը սիրում են առանց ավելորդ պաթոսի և բառերի։ Հայրենիքը սիրում են գործով։ Թերևս ասվածի լավագույն վկայությունը ապրիլյան և 44 օրյա պատերազմներն էին, որոնք ստիպեցին դեռ դպրոցական տարիքից առավել քան արժևորել հայրենիքը և այն արյունը, որը թափվել է այս մի բուռ հողի համար։ Իսկ հայրենիքի և հայրենասիրության մասին պետք է խոսել միշտ։ Այսօր ՀՊՄՀ հենակետային վարժարանի Մշակութային հոսքի (Պարի վճարովի լրացուցիչ կրթական ծառայության.) 11-րդ դասարանում գրականության դասը տարբերվում էր մյուսներից, քանի որ դասը վարում էր 44 օրյա պատերազմի մասնակից, Արցախի հերոս Էդգար Մարկոսյանը։ Պարզ, անմիջական, խելացի և շատ հայրենասեր. հենց այսպիսին է Էդգարը, ով իր և մյուս տղաների սխրանքի մասին խոսելիս և պատմելիս ներկայացնում էր այդ ամենը որպես պարզ օրինաչափություն։ Պատերազմից մինչև հայրենասիրություն, ներկայից մինչև ապագայի մասին պատկերացումներ. հարցերը բազմազան էին և նույնիսկ մեկ դասաժամը բավական չէր դրանց ամբողջությամբ պատասխանելու համար։ Քննարկումը ստացված էր, քանզի աշակերտները շատ տպավորված էին և ինչպես հետագայում նշեցին շատ հարցերի սկսեցին այլ կողմից նայել և մտածել դրանց շուրջ։ Շնորհակալ ենք Էդգար Մարկոսյանին բովանդակալից և արդյունավետ քննարկման համար։

 

2021 © Բոլոր իրավունքները պաշտպանված են: Design and Delvelopment by ToolBox Software