Միջոցառումներ
Աշուն է, անձրև, ստվերներն անձև, դողում են դանդա՜ղ, պա՜ղ, միապաղա՜ղ… Տերյանական տրամադրություններն ու գույները վարակել էին վարժարանի աշակերտներին:
Մանկավարժական համալսարանում տեղի ունեցավ միջոցառում՝ <<Մեր սրտի աշունը>> խորագրով: Միջոցառումը կազմակերպվել էր ՀՊՄՀ-ի բանասիրական ֆակուլտետի ուսանողների կողմից :Մասնակցում էին ինչպես նույն ֆակուլտետի ուսանողները, այնպես էլ ՀՊՄՀ-ի հիմնական դպրոցի աշակերտները, հենակետային վարժարանի սաները:: Բեմից հնչում էին աշնանասեր գրողների բանաստեղծությունները: Վարժարանի սաները ասմունքում, երգում ու պարում էին: 11-րդ դասարանի աշակերտ Գոռ Գրիգորյանի երգը և Արփի Աբգարյանի պարը գրավեց հանդիսատեսին յուրօրինակ արտիստիզմով: Աշնանը նվիրված հոլովակը պատրաստվել էր համալսարանի ուսանողների և վարժարանի սաների համատեղ աշխատանքի շնորհիվ: Դասական երաժշտությունը, տպավորիչ ասմունքը կարծես հրաժեշտ էր՝ ուղղված նոյեմբերին:
Միջոցառման ավարտից հետո ելույթ ունեցան ՀՊՄՀ-ի բանասիրական ֆակուլտետի դեկանը և փոխդեկանը՝ աշնան թեմայով փոքր բանաստեղծություն արտասանելով, իրենց շնորհակալական ու գովասանքի խոսքն ասելով մասնակիցներին:
Օրը հագեցած էր գույներով, տրամադրությամբ ու ջերմությամբ: