Վերադարձն սպասված էր

15.09.2020

      Երկար սպասված ուսումնական տարվա մեկնարկը վերջապես տրվեց: Ճիշտ է, այս անգամ սովորական դարձած սեպտեմբերի մեկի փոխարեն սեպտեմբերի տասնհինգին,  բայց  ավելի սպասումով, կարոտով և դրական հույզերով: Հասցրել էինք կարոտել  թե՛ վարժարանին, թե՛ ուսուցիչներին և իհարկե դասարանի բոլոր աշակերտներին: Գնահատելով հեռավար ուսուցման ընթացքում ուսուցիչների ջանքերը և այդ գործընթացում ունեցած հաջողությունները, միևնույն է, վերադարձն ուսումնական հաստատություն չափից շատ սպասված էր:  Այսօր վարժարան ենք եկել այն գիտակցությամբ, որ  պետք է պահպանենք բոլոր նախատեսված կանոնները, որպեսզի շարունակենք ուսուցումն այս եղանակով: Վերջապես սկսելով հաճախել դպրոց՝ բոլորս լի ենք ոգևորությամբ, վերջին փոփոխությունների հանդեպ ունեցած ակնկալիքներով ու հաշտեցման փորձերով։ Հանդիպելով տնօրեն տիկին Սաֆարյանին և  ուսուցիչներին, նրանցից լսելով խրախուսական, լավատեսական ու ոգևորիչ խոսքեր՝ աշակերտներս լցվեցինք հույսով ու վառ լավատեսությամբ, և  միասին հավատալով և պահպանելով հակահամաճարակային բոլոր կանոնները՝ կհաղթահարենք բոլոր խոչընդոտները։

 

                                                                                                                                                                                                                    Միլենա Բաղդասարյան

                                                                                                                                                                       ՀՊՄՀ հենակետային վարժարանի հումանիտար հոսքի

                                                                                                                                                                                                         12-րդ դասարանի աշակերտուհի

2021 © Բոլոր իրավունքները պաշտպանված են: Design and Delvelopment by ToolBox Software